Vernissascha: Portas Engiadinaisas
Fotografias da Stephan Husen
sonda, 11-01-2025 17.00 – 19.00 Grotta da cultura Sent, Schigliana
entrada libra, aperitiv
La chasa engiadinaisa imposanta es cuntschainta eir dadour l'Engiadina. Cun seis mürs gross e'ls ornamaints (sgrafits) buolla ella divers cumüns. Plü paca bada as daja però a las portas chi mainan in quistas chasas. Eir quellas sun grondas ed han suvent ün caracter particular. E suvent as dumonda chi mâ chi starà davo quistas portas.
Il fotograf Stephan Husen da Bern ha documentà dürant ils ultims ons las portas da differents cumüns in Engiadina Bassa. Ill' exposiziun “Portas Engiadinaisas” muossa el fotografias dals exemplars ils plü bels ed ils plü interessants.
L'exposiziun es averta il mardi e la sonda 17.00 – 19.00. Fin als 08-04-2025
